Ralkap Uknak Duh Lo Langtertu Pakhat Nam Ih Dawh A Tong

Mandalay khawpi Chanayetharsan peng lamzin 73 × 72 karlak lamzin 30 ah tuini February 11 zaanlam ahcun ralkap uknak duh lo langter ih duhphorhnak tuahtu mino pawl cu țongkam el-aw in an buai ih nam thawn dawhawknak tiang a thlen thu mit ih hmutu pawlin an sim.

“Nam ih dawh tongtu cu bike datsi a cem tiah datsi dawr khuiah a um tiah mi a sut, paisa a nei lo tiah a rualpi pawlin nautatnak thawn an rak tongsan, cutin a to ih a țap, cuihnuah a rualpi pawl hnenah a fehsal, cumi ah țongkam an el-aw ih an rak velh ciamco, a dunglam zaang ah veihnih an dawh ka hmu” tiah mipa pakhat in simnak a nei.

Nam ih dawh tongtu cu kum 25 minung a siih, a dunglam zaang ah veihnih dawh a tuar. Dawh tongtu cu ျဗဟၼစိုရ္ zatlang pawlkom (Mandalay) ah fehpi in an tuamhlawm tiah theih a si.

Hi mino pawl cu Pyigyithakhun peng ih ummi pawl an siih, nambat 3-nak palik zung ah thubuai tuahsak an si ding tiah theih a si. Nam ih mi dawttu pawl kaingah dingin an hawl rero tiah theih a si.

Be the first to comment

Leave a Reply

Your email address will not be published.


*