Ralkap Uk Duh Lonak Langtertu Pawl Cu Civil Uniform Hrutu Pawl In An Kai

Ralkap acozah kan duh lo tiah February 4 zinglam ah Mandalay khawpi lamzin 30-nak ih University Of Medicine Mandalay, hmaiah minung 20 lenglo in duhphorhnak an tuah.

Senpi hruaitu pawl telin rampi hruaitu pawl kaih an sinak lungkim lo thu, hi cangvaihnak cu sunzom vivo ding a si thu, ralkap acozah cu dokalh cio dingin duhphorhnak tuahtu pawl cun an sim.

February 1 ih NLD acozah hruaitu pawl ralkap in an kaih ih thuneihnak an lak hnu, himi hi Myanmar ram sungah hmaisabik lamzin parah duhphorhnak an tuahnak a si.

Duhphorhnak tuahtu pawl ah siibawi hrekkhat le tlawngta hlun pawl an tel ih, minute 15 hrawng an au suak. Cuihnu duhphorhnak tuahtu pawl an țhen-awk caan ah civil uniform hrutu mi hrekkhat in an ra kaih.

Atu hrih ahcun Ko Okka Min (Foreign University, Mandalay), Ko Min Ngi Ngi Kun (Yarthanarbon University), Ko Ye Win Htun le Ko Pyae Sone Aung pawl an kai tiah Tayzar San timi facebook in a tarlang. Duhphorhnak tuahtu mi dang pawl khal an inn an hawl ih an kai tiah theih a si.

Be the first to comment

Leave a Reply

Your email address will not be published.


*