Ralkap In Hnațuan In Sawm Asile Kan Cohlang Lo Ding

Ralkap uknak acozah thar ah komkhawm hnațuan tlang dingih in sawm a si khalle kan cohlang lo ding tiah CNLD sungțuan Salai Ceu Bik Thawng in simnak a nei.

Mipi acozah ihsin thuneihnak laksak a si hnu ralkap in acozah thar a tuahnak ah tlangpar miphun party pawl le kawl miphun party pawl sawmnak a nei ih, CNLD hi sawmnak a um hrih lo na’n, nehhnu ah sawmnak a um a si khalle kan cohlang lo ding tiah Salai Ceu Bik Thawng in a sim.

“Tuhrih ahcun sawmnak a um hrih lo, bulpak in pehtlaihmi a um maw timi cu ka thei lo, central office ahcun atu tiang sawmnak ca a thleng hrih lo, party dinhmun in cohlannak ding san a um lo, a ruah khal kan ruat lo” tiah CNLD sungțuan Salai Ceu Bik Thawng in simnak a nei.

CNLD cu ralkap ih thuneihnak a laksalmi thuhla ah lungkim lonak langter in February 4 ah casuahnak khal an rak nei. Asho Chin National Party khal cun ralkap ih acozah thar dinnak hrangih a sawmnak cu a rak hnawlsak zo.

Source : Khonumthung

Be the first to comment

Leave a Reply

Your email address will not be published.


*