CNF/A Politics Luaksuak Za, CNO/CNDF Cemral Ding An Tumtah; Video

CNA nih Chin ramkulh cu kanmah in ṭuanvo kan lak ding tiin NUG thawn lungkimnak an rak tuahmi parah ruah ding tampi a um. Tufang kan Chin ramsung ih ralbuainak cu kan thei ṭheh cio ko. Kan ram tlukih kan ruahmi kan pupa pawl rak umnak Kalay-Kabaw ah kan Chin miphun le Kawl ralkap kahawknak nasa zet a rak um. Asinan CNA an tel timi thu kan thei lo. Kalay-Kabaw cu Chin ramkulh a si lo ruangah kan ngaithiam hrih pei.

Cuti asile, anmah CNA/F hotu L.H.Sakong nih a simmi Chin ram cu CNA/F nih ṭuanvo kan lak ding anti vekin an lak thei taktak maw? Chin ramkulh Mindat peng kahawknak ah CNA an tel fawn lo. Atu mizan, tihni te rori ih thilcangmi Falam peng kahawknak ah CNA nih teh an telpi maw? Lamlam an telpi lo. Hakha peng le Thantlang pengsung kahawknak lawngah CNA nih an telpi ṭheu ti a si.

 

Curuangah CNA hi cu an ṭongmi vekin a taktak ah zianghmanh an tuah theilo, or, an tuah duhlo timi a fiang. Miṭhen khat nih an simmi cu CNA/F le NUG lungkimnak an tuah ihsi thok in Kawl ralkap nih CNA headquarter kap dingih an tumtahmi a si ko nan, CNF upa pawl nih NUG ih theihlo in a thupte in Kawl ralkap thawn lungkim tlangnak an rak tuah ruangah le CNA/F kut tang ah Chin ramsung ih hriamkai pawl CNDF, ZRA, CDF tipawl umter ṭheh an duh ruangah CNDF cimit nak ding an ruat ih Falam peng ah an fehter mi a si tiin an sim. CNF/A nih hin Kawl ralkap, NUG, CNO/CNDF pawl hi Politics an play reromi a si.

CNF/A hruaitu pawl hi zoh hmanh uh CNF bomhnak zate hi an ei ṭheh ih Politics tlawng an kai nak ah an hmang ṭheh tiah CNF/A sung theitu Hakha mi pakhat nih a rak sim dah. Leitlun ram hmun tampi ihsin CNF/A hrang bomhnak an pekmi hi a tam tuk thlang nan, Political tlawng ṭhaṭha ah an kai ih bomhnak pawl an rak hmang ṭheh tiah Hakha pa nih a rak simmi a si. Cutluk in politics play paihmi an si ih 1988 CNA a rak ding pekte ih Kachin ram ah training an rak kai lai ihsin politics an rak play rero zo mi a si. Duh Tin Kheng an rak that nak thu pawl tla thuk zetin ruat sile cu amak sak zetmi a si.

CNDF miralṭha pa 4 rori an thihnak hi CNA/F pawl nih Chin ramkulh sungah hriamkai bu pakhat lawng um seh, cumi cu CNF/A lawng hi siseh timi an duh ruangah CNDF hi ṭhiatbal ding rori an duh ti a si. Kan dung tubaite ah tla Hakha media tampi le Hakha upa pawl nih cun CNDF member mi 4 kan thih ruangah in tuar ih tha in pek lam lo in CNF/A ah rak lut ṭheh uh, culo sile nan thi ṭheh ding ti pungsan in politics an rak tuah ciamco.

CNF/A nih cun Chin ramkulh sungih hriamkai bu dang CNO/CNDF le a dang hriamkai bur dang khal, siatnak ding hi a phunphun in an tawlrel rero a si timi hi Chin ramkulh sungih ummi pengtlang zate in kan theihfiang a ṭul. CNF/A cu Hakha peng le Thantlang peng hrang lawngih a ṭuanmi an si ih Chin ramkulh hi Hakha nih kan uk ṭheh ding, Chin ramsung zaten Hakha kutsung ah kan umter ṭheh ding timi an lungput cu a taktak in a lang vingvo mi a si.

Hakhanization timi hi Kachin ram ih training an rak kai lai ihsin an rak neih ciami a si. Atu tiang an lungput ih a um ringring lai hrih ruangah kan Chin ram ah lungrualnak um theilo in kan ṭekdarh ṭhehnak a si. Curuangah CNF/A pawl hi an lungput an thleng lo ih, an politics an thlengh lo asi bak ahcun Chin ramkulh ah ziangtik hmanh ah lungrualnak le daihnak timi a um thei dahlo ding.

L.H.Sakhong nih CNF/A lawng Chin ram hriamkai lawng um seh tiin a simnak Video.

Tuvekin CNO/CNDF miralṭha mi 4 nunnak a liammi parah riahsiapi, tuarpi lam sawn loin CNO/CNDF cu zianghman nan silo CNF/A ah rak lut ṭheh uh tiin midang vanduai tong lai ih canṭha rak lak timi hi an hrang khalah ṭihnung zetmi a si. CNO/CNDF cu mizan, tihni fangte lawngih ding a si ko nan, vei tampi Kawl ralkap an do zo, Kawl ralkap khal tampi an that. CNF/A cu an dingnak kum 30 lai a si zo nan Kawl ralkap pakhat hmanh an kap that hrih lo, Kawl ralkap thawn vei khat hman an doawk hrih lo.

Sim duhmi sawn cu CNF/A hi an lungput le an politics (Hakhanization) timi an thlengh lo asi ahcun ziangtik hmanh ah Chinram ah daihnak le rualremnak timi a um thei hrimhrim lo ding.

 

1 Comment

  1. CNDO/CNDF pawl cimit le thai hlo ding tumtah in kawl ralkap an ruai ti a sile anmah CNF/A hamthatnak lawng ruat ih cangvai ansi kanti thei. Curuangah cupawl cu DALAN ansi kolomaw.

Leave a Reply

Your email address will not be published.


*