Chin Ramkulh Hruaitu Thar Pu San Mawi Ni Khuai In Mual In Liamsan

Chin State Administration Council ah Chairman tuanvo pekmi Pu San Mawi Ni Khuai (kum 65) cu tuini February 11 zing ah lungnat in a nunnak a cem tiah theih a si thu The Hakha Times in a tarlang.

Pu San Mawi Ni Khuai cu Chin State Administration Council chairman tuanvo pek a si hlanah chief justice of the high court of Chin state tuanvo kai rerotu asi.

Pu San Mawi Nii Khuai cu Chin State Acozah a hnatuanpi le a hlan a hnatuanpi pawl in mi ding, mi fel le mi rinum a si tin an sim cio.

Apa cu Dr. Ni Khuai a si ih India, Burma le Bangladesh ram sung um Chin, KuKi le Mizo lak sungin MBBS le FRCS ngah hmaisabiktu a si.

Apu Major Kap Cong khal Chin mi (Chin, KuKi, Mizo) sungin Mirang Acozah ih ralkap Major rank rak pek le ngah hmaisabik a si.

Apa le apu cu Burma ih upat sunloih hmin thatnak an pe theumi top 5 sungih pakhat Wanah Kyawhtin timi rak dongtu pafa um sun tla an si bet.

Pu San Mawi Ni Khuai ih nu hi Mirang ( England) a si.

Be the first to comment

Leave a Reply

Your email address will not be published.


*