Bungbel Tum Ih Duhphorhnak Tuahtu Salai Sang Lung Cu Palik In An Kaih

Ralkap ih rampi thuneihnak a laksalmi duh lonak langter in February 4 zaan ih bungbel tumnak thawn cangvaihnak neitu Thantlang khawpi ih Salai Sang Lung cu February 5 zing ah palik in an kaih thu theih a si.

“Thuhla reltlang dingin tiah palik zung ah in ko zo” tiah Salai Sang Lung cun February 5 zinglam suimilam 11:00 hrawngah a Facebook cahmai ah a tarlang.

Thantlang khawpi palik zung ahcun minung 50 kiangkap feh in palik zung hotu thawn thuhla relkhawm a si thu palik zung fehvetu Thantlang mino pakhat in a sim.

Salai Sang Lung cu February 4 zaan ah ralkap dokalh in bungbel a tum laifang ah palik pawl an ra thleng ih daan thawn a milawk lo thu an simmi pawl vedio file cu online ah a darh.

Cuvek thotho in Hakha khawpi ah February 4 zaan ih bungbel tum in duhphorhnak tuahtu pacang kum 60 ih upa pakhat cu palik pawlin an kai ih tangka 50 an kuanter tiah theih a si.

Ref : Khonumthung

Be the first to comment

Leave a Reply

Your email address will not be published.


*