Asho Chin National Party Cun Ralkap Sawmnak A Cohlang Lo

Ralkap acozah ih dinmi rampi ukawknak tokham hmunkhat ah tel dingin ralkap ih sawmnak cu Asho Chin National Party (ACNP) cun a hnawl thu theih a si.

Asho Chin National Party sungțuan Salai Aung Min Hlaing in rank duh ih dingmi party kan silo ruangah kan cohlang lo tiah a sim.

“In sawmnak kan cohlan lo hi kan țuan paih lo ruangah a si, ziangahtile kannih cu rank duh ih dingmi party le cangvaitu party, ramkhel party kan si lo, kannih cu tlangpar miphun pawl federal bangtukih covo pawl, tlangpar miphun malte pawl ih ramkhel covo kan ngah thei dingmi pawl, hi hnakih kaumi covo kan ngah theinak ding thupi ah retih hnațuantu party kan si, curuangah hivek rank maimai, tokham maimai, hi bangtuk pawl hi kan thinlung ah a um loih kan tuan lo tiah ka sim duh” tiah Salai Aung Min Hlaing in simnak a nei.

Chin National League For Democracy khalin ralkap ih thuneihnak a lakmi thuhla ah a lungkim lonak thu cu February 4 ah casuahnak a nei tiah theih a si.

Be the first to comment

Leave a Reply

Your email address will not be published.


*